Sakinlər şikayət etdi; "Azərsu”dan cavab gəldi

Nizami rayonu Şirin Mirzəyev küçəsi 72-ci binanın sakinlərinin problemi qısa müddətdə həll olunacaq.

 

Vizual.az xəbər verir ki, bu barədə Axar.az-a Azərsu ASC-nin mətbuat katibi Anar Cəbrayıllı deyib. Qurum rəsmisi söyləyib ki, Azərsu ASC əməkdaşları qeyd olunan ünvandadırlar:

 

"Qısa müddətdə problem aradan qaldırılacaq”.

 

Qeyd edək ki, Şirin Mirzəyev-72 saylı binanın sakinləri "Azərsu” ilə bağlı müxtəlif KİV-lərə şikayət xarakterli məktub ünvanlayıblar. Şəhər sakinləri bildiriblər ki, Azərsu ASC-nin işçiləri həyətə aid hissədə binanın bloklarına smart-kart sisteminə keçidi təmin etmək məqsədilə yeni xətlər çəkmək üçün qazıntı işləri aparıblar. Lakin aparılan qazıntı işləri sistemli şəkildə həyata keçirilmədən iş dayandırılıb və yekunlaşdırılmayıb. Nəticədə təhlükəli vəziyyət yaranıb. Həyətdə oynayan körpə uşaqların hər an qazılan sahəyə düşüb zədə alma ehtimalı artıb.