Sankt-Peterburqda azərbaycanlılardan ibarət mütəşəkkil cinayətkar qrup yaxalanıb

Sankt-Peterburqda azərbaycanlılardan ibarət mütəşəkkil cinayətkar qruplaşmanın üzvlərindən 7,5 kiloqram narkotik maddə götürülüb. APA-nın məlumatına görə, hüquq-mühafizə orqanları narkotik maddələrin qanunsuz dövriyyəsinə dair operativ məlumatı dəyərləndirərək qruplaşmanın iki üzvünü 5 kiloqram amfetaminlə tutublar. Axtarış zamanı onlardan birinin evindən daha 2 kiloqram heroinlə metadon qarışığı və 400 qramdan çox heroin götürülüb. Narkotik maddələrin Moskva və Sankt-Peterburqda realizə olunması nəzərdə tutulubmuş. Faktla bağlı cinayət işçi başlanıb, cinayətkar qruplaşmanın üzvlərini 20 ilədək azadlıqdan məhrumetmə cəzası gözləyir. Dəstənin digər üzvü, 1975-ci il təvəllüdlü Yusifov Tofiq Xanlar oğlu istintaqdan gizlənməyə müvəffəq olub, onun barəsində federal axtarış elan edilib.