Seçki ərəfəsində təxribatlar qaçılmaz olacaq

Təxribat gözlənilirmi sualınıza belə cavab verərdim: Hüquqi dövlətlərdə adətən belə proseslər olmur. Azərbaycan kimi ölkələrdə isə mümkündü.

Bu fikirləri Veteninfo.az-a Təhlükəsizlik Araşdırmaları Mərkəzinin rəhbəri, politoloq İlham İsmayıl seçkiqabağı ölkədə təxribatlar gözlənilirmi sualımızı şərh edərkən bildirib.

“İndi sual olunur: Kim törədəcək bu təxribatları? Yəni hansı qüvvə? İqtidar, yoxsa ona müxalif qüvvələri? Son 20 illik təcrübəyə nəzər salsaq ölkədə bu işlə iqtidar məşğul olur və törətdiyi əməldən təbliğat kimi istifadə edir. Məsələn, son dövrlərdə seçkiqabağı Əli İnsanov və Fərhad Əliyevin həbsi buna misal ola bilər. Bu, rəngli inqilabların başladığı zamanda əks-inqilabi zərbə idi" deyə İlham İsmayıl bildirib. 

Son Lənkəran hadisələrinə də toxunan İ.İsmayıl bunun üçüncü qüvvəlıər tərəfindən törədilə biləcəyini ehtimal edib: "Xüsusilə, Lənkəran hadisəsi boş şeydi. Bu çox kiçik təxribatdı. Təxribatı üçüncü qüvvə də edə bilər, perspektiv planlar üçün, hətta qətllərə qədər. İstənilən təxribatın məqsədi qarşı tərəfi zəif salmaq, məhv etməkdi. Çox təəssüf ki, seçki ərəfəsində təxribatlar qaçılmaz olacaq”.

Elnur Eltürk