“Türkiyənin bu tip danışıqlara ev sahibliyi etməsi əslində İranın maraqları daxilində ola bilər"

Bu sözləri “Vətəninfo.az”a Dövlət İdarəçilik Akademiyasının Geostrateji Araşdırmalar Mərkəzinin elmi əməkdaşı, siyasi şərhçi Ərəstun Baxşəliyev İranın nüvə proqramına dair “altılıq” ölkələrinin İstanbulda gözlənilən görüşünü şərh edərkən bildirib.

“Əslində bu tip müzakirələrin keçirilməsi İranın öz taleyi üçün önəmlidir. Çünki bilirsiniz ki, İrana qarşı sankisyalar getdicə daha kritik hal almaqdadır. Digər tərəfdən müharibə təhlükəsi də aradan qalxmayıb. Əgər doğurdan da İran belə bir addıma axır ki, hə cavabı vermişsə, bu doğurdan da mühim addımdır. İran əslində bu tip danışıqları pozmaq yox, onların baş tutmasında maraqlı olmalıdır. Regionda müharibə, region dövlətlərindən heç birinin marağında deyil. Türkiyənin bu tip danışıqlara ev sahibliyi etməsi əslində İranın maraqları daxilində ola bilər. Çünki, müharibənin hər vəchlə qraşısının alınmasında Türkiyə olduqca aktiv olub. Bu bu gün də özünü göstərməkdədir. Son günlərdə Yaxın Şərqdəki hadisələr çox gərgin bir period içinə daxil olub. Belə bir vəziyyətdə isə ikinci və ya üçüncü gərginliyin olması həqiqətən də region dövlətləri üçün olduqca ciddi təhlükədir”-deyə,politoloq qeyd etdi.

Elnur Eltürk