Türkiyəylə bağlı ŞOK FAKT: mollaya 6, həkimə 3 milyard

Türkiyənin tanınmış köşə yazarı Yılmaz Özdil “Sözcü” qəzetində yazdığı bugünkü köşəsində öz ölkəsi ilə bağlı kifayət qədər maraqlı statistika açıqlayıb. Ailem.az-ın xəbərinə görə, köşədə qeyd olunmuş rəqəmlərdən belə məlum olur ki, Türkiyə hökuməti ölkənin Diyanet (Dini işlər İdarəsi) nazirliyinə Səhiyyə nazirliyindən 2 dəfə çox pul ayırır. Belə ki, Diyanet Nazirliyinin büdcəsi 5,7 milyard türk lirəsi olduğu halda, Səhiyyə Nazirliyinin illik büdcəsi cəmi 2,7 milyard lirədir. Bununla yanaşı, Türkiyədə cəmi 107 min həkimə qarşılıq, 122 min imam (axund) fəaliyyət göstərir. Ölkədə 1250 xəstəxana, 85 min məscid  var. Türkiyə xəstəxanalarında 105 min həkim çatışmazlığı olduğu halda, imamlarla bağlı belə bir problem yoxdur. Hər il cəmi 9 min həkim universitetlərdən məzun olur. Eyni zamanda hər il 60 min imam litseyləri və universitetlərin müvafiq fakültələrini bitirir.

Vətəninfo.az