YAP üzvlərinin sayı yarım milyonu ötüb - 575 min 591 nəfər

Bu ilin ilk yarısında hakim Yeni Azərbaycan Partiyasının (YAP) üzvlərinin sayı 575.591 nəfər olub.

Bu barədə "Vətəninfo.az"a partiyanın mətbuat xidmətindən bildirilib. 1 iyul 2012-ci ilə olan məlumata görə, bu ilin ilk altı ayı ərzində YAP-a üzv olanların sayı 20.559 nəfər olub. Bu göstərici isə ötən ilin müvafiq dövrü ilə müqayisədə 15 faiz çoxdur. Müvafiq dövrdə partiya sıralarına qəbul olunanların 11 mindən çoxu (ötən ilin müvafiq dövründə bu rəqəm 9924 olub), yəni 53,5 faizi gənclərdir.