Zakir Həsənov Latviyaya getdi

Azərbaycanın müdafiə naziri, general-polkovnik Zakir Həsənovun Latviyaya rəsmi səfəri başlayıb.

Vətəninfo.az Müdafiə Nazirliyinin saytına istinadən bildirir ki, Litvaya rəsmi səfərini başa çatdıran Z.Həsənovun rəhbərlik etdiyi nümayəndə heyəti Latviyaya yola düşüb.
Müdafiə naziri Latviyanın yeni seçilən prezidenti, iyulun 8-dən vəzifəsinin icrasına başlayacaq hazırkı müdafiə naziri Raymonds Veyonisin dəvəti ilə iyulun 3-dən 4-dək Latviyada rəsmi səfərdə olacaq.
Səfərdə bir sıra görüşlərin keçirilməsi, ikitərəfli hərbi əməkdaşlığın perspektiv istiqamətlərinin müzakirə edilməsi, təhlükəsizlik və müdafiə məsələlərinə dair fikir mübadiləsinin aparılması planlaşdırılır.