Zaur Qurbanlıya vəkili ilə görüşməyə icazə verilmədi - ÖZƏL

Bir neçə gün öncə həbs olunan "Nİda"çı Zaur Qurbanlıya vəkili ilə görüşməyə icazə verilməyib. Bu barədə onun vəkili Aslan İsmayılov özü "Vətəninfo.az"a bildirib:

"Bu gün gənc fəal Zaur Qurbanlı ilə görüşmək üçün DİN-nin Baş Mütəşəkkil Cinayətkarlığa qarşı Mübarizə İdarəsinə getdim. Növbətçi hissəyə gəlişimin məqsədini bildirdikdə mənə görüş verilməyəcəyi bildirildi. Bu gün saat 16.00-da ABŞ səfirliyi tərəfindən Zaur Qurbanlı ilə bağlı görüşə dəvət edildiyimi, bu ərəfədə bu cür qanunsuzluğa yol verilməsinə heç bir əsas olmadığını və baş verənləri hamının nəzərinə çatdıracağımı bildirdikdə mənə "Nə istəyisən onu elə" cavabı verildi. Bu barədə AR Baş Prokurorluğunu məlumatlandırmışam və hal hazırda Baş Prokuror Z.Qaralovun adına bir daha şikayət ərizəsi hazırlayıb nahardan sonra təqdim edəcəm".