1. Miq.az
  2. Azərbaycanda yeni milli mobil operatoru olacaq

Azərbaycanda yeni milli mobil operatoru olacaq

Azərbaycanda yeni milli mobil operatoru olacaq
Tarix: 23.09.2015 18:33
Baxış sayı: 3081

Əsas "Backbone" provayderimiz, Milli İnternet operatoru statusuna malik Delta Telecom 4G üzrə mobil operator statusu da almağa hazırlaşır. Güman ki, mobil bazarda situasiya əməlli-başlı dəyişəcək.

Delta Telecom şirkəti mobil rabitə xidmətləri göstərməyə hazırlaşır.

Delta Telecom telekommunikasiya operatoru ən müasir 4G texnologiyası əsasında xidmət göstərməyi nəzərdə tutub. Şirkət mobil infrastrukturu uzun müddətdən bəri əməkdaşlıq etdiyi Alcatel-Lucent, Ericson və digər istehsalçı şirkətlərlə birlikdə 2.4 GHZ tezlik diapozonunda quracaq.

Qeyd edək ki, bütün ölkə ərazisini əhatə edən 4G şəbəkənin yaxın müddətdə başa çatdırılması nəzərdə tutulur.

Bütün ölkə ərazisini əhatə edən fiber optik şəbəkəyə malik olan Delta Telecom şirkəti eyni zamanda Telecom-İnvest şirkəti ilə əməkdaşlıq edəcək.

Delta Telecom şirkəti məsələ ilə bağlı yaxın günlərdə ictimaiyyətə daha ətraflı məlumat verəcəyini bildirib.

Delta Telecom 2000-ci ildən telekommunikasiya və informasiya texnologiyaları bazarında xidmət göstərir. Şirkət regionda birinci WiMAX texnologiyası layinəsini həyata keçirib.

Delta Telecom  Qafqazın ən böyük telekommunikasiya operatorudur. Azərbaycanın Milli İnternet operatoru statusuna malik olan, Backbone provayder olan Delta Telecom ölkənin 90 faiz  internet tarfikinə sahibdir.

Xeberler.az 



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az