İqtisadiyyat üzrə Nobel mükafatçısının adı açıqlandı

İqtisadiyyat üzrə Nobel mükafatı Britaniya-ABŞ alimi Enqusu Diyona verilib.

"Reuters" xəbər verir ki, o, "istehlakda yoxsulluq və rifahın təhlilinə" görə bu mükafata layiq görülüb.

Xatırladaq ki, laureatların mükafatlandırılması mərasimi dekabrın 10-da Stokholmda Nobel mükafatının təsisçisi Alfred Nobelin (1833-1896) vəfatı günü keçiriləcək. Ənənəyə görə, mükafatlar Alfred Nobelin vəfatı günü təqdim olunur.

Bu il mükafatın məbləği 8 milyon İsveç kronuna (972 min ABŞ dolları) bərabər olacaq.

Nobel mükafatına layiq görülənlərin adları oktyabrın 5-dən elan olunmağa başlayıb. Kimya üzrə Nobel mükafatını alan 3 alimdən biri də türk əsilli ABŞ vətəndaşı Əziz Səncərdir.