Türkiyədə avtomobilə silahlı basqın - Azərbaycanlı iş adamı ağır yaralandı, sürücüsü öldü

İstanbulun Beşiktaşdakı otellərinin birində avtoparklanmadan çıxan Azərbaycan dövlət nömrə nişanlı avtomobil Saray Caddəsi üzərindən naməlum şəxslər tərəfindən atəşə tutulub.

Aznews.az Türkiyə KİV-lərinə istinadən xəbər verir ki, silahlı basqın zamanı azərbaycanlı iş adamı Rövşən Əliyev və sürücüsü ağır yaralanıb. Xəstəxanaya çatdırılan şəxslərdən sürücü orada ölüb. Əldə edilən ilkin məlumata görə Barbaros Bulvarı Caddəsindəki bir oteldə işlə bağlı bir toplantı keçirdikdən sonra 90 ND 011 nömrə nişanlı avtomobiliylə oradan ayrılan azərbaycanlı iş adamı otelin qarşısında 2 nəfər tərəfindən silahlı basqına məruz qalıb.