"Dəmir ledi"nin şəxsi əşyaları rekord qiymətə satıldı - Foto

Böyük Britaniyanın mərhum Baş naziri Marqaret Tetçerin şəxsi əşyaları 5 milyon dollara satılacaq.

Vizual.az-ın məlumatına görə, Londonda Christie's hərracında baş tutan satış zamanı onun şəxsi əşyaları ümumilikdə 5 mln. dollara satılıb.

Əşyaların arasında ən qiymətlisi keçmiş ABŞ prezidenti Ronald Reyqanın Marqaret Tetçerə hədiyyə etdiyi qartal heykəli hesab olunur.

Bu heykəlin hərracda 12 min dollara satılacağı düşünüldüyü halda o, 400 min dollara satılıb.

Hərrac zamanı ümumilikdə 350 əşya satışa çıxarılıb ki, onların 200-ü elektron hərrac vasitəsilə satılıb.

Bu ilin əvvəlində isə Böyük Britaniyada Marqaret Tetçerin SSRİ lideri ilə 1985-ci ildə başlayan dostluq əlaqələrini özündə göstərən gizli əlyazmalar hərraca çıxarılıb.

1925-ci ildə Şimali İngiltərənin Qrantem şəhərində anadan olan Marqaret Tetçer məktəbi əla qiymətlərlə bitirərərək Oksford Universitetinə qəbul olub. Eyni zamanda fəal siyasətə qoşulan Tetçer, 1959-cu ildə parlamentə üzv seçilir. 1975-ci ildə isə Mühafizəkarlar partiyasına rəhbərlik etməyə başlayıb. Daha sonra 1979-cu ildə seçkilərdə qələbə qazanaraq, 1990-cı ilə qədər Britaniya hökümətinə rəhbərlik etdi. Tarixdə Tetçerin adı "Dəmir Ledi" kimi qalıb.

Marqaret Tetçer 2013-cü il insultdan vəfat edib./ANS