Bu sözləri Pravda.az-a açıqlamasında iqtisadçı ekspert Əkrəm Həsənov Azərbaycanın neft və qaz gəlirləri ilə bağlı cəmiyyətdə tez-tez səsləndirilən "hamı varlı yaşamalıdır, uşaq pulu verilməlidir” fikrinə münasibət bildirərkən deyib.

 

O bildirib ki, qazanılan pullardan səmərəsiz formada istifadə edilib: "Azərbaycan hökuməti puldan düzgün istifadə edə bilmədi. Bəziləri deyir oğurladılar və s. Bəli, korrupsiya da var, ancaq oğurlamaqdan da əlavə səmərəsiz istifadə edildi. Bilinmədi ki, hara yönəltdilər, düzgün istifadə edilmədi... Bəzən ərəbləri bəyənmirik, amma Birləşmiş Ərəb Əmirlikləri, Səudiyyə Ərəbistanı neft pulundan yetəri qədər səmərəli istifadə etdilər. Bu gün neftdən bir o qədər də asılı deyillər. Yaxşı iqtisadiyyat qurdular, bir sıra sahələri inkişaf etdirdilər. Bizdə isə neft və qazdan başqa iqtisadiyyatın hansı sahəsi inkişaf edib ki? Bu baxımdan da bizdə  "uşaqpulu” üçün vəsait demək olar, yoxdur”.