Elmar Məmmədyarov türkiyəli həmkarına başsağlığı verib

Azərbaycanın xarici işlər naziri Elmar Məmmədyarov Ankarada baş vermiş dəhşətli terror aktı ilə əlaqədar türkiyəli həmkarı Firudin Sinirlioğluna məktub göndərib. Bu barədə  Azərbaycan XİN-in mətbuat katibi Hikmət Hacıyev məlumat verib.

 Nazir terror aktı nəticəsində həlak olanların ailələrinə başsağlığı verib, yaralananlara tez bir zamanda şəfa diləyib: "Azərbaycan terrordan əziyyət çəkən dövlət kimi, terrorun bütün forma və növlərini pisləyir. Azərbaycan hər zaman olduğu kimi, bu faciədə də qardaş Türkiyə xalqının yanındadır”.

APA