“Gənc Sahibkarlar Şəbəkəsi” işə başlayır

“Vətəninfo.az”ın verdiyi xəbərə görə, Azərbaycan “Gənc Sahibkarlar Şəbəkəsi” İctimai Birliyinin İdarə Heyətinin ilk toplantısı keçirilib. İdarə Heyətinin sədri Xaliq İldırımzadənin rəhbərliyi ilə keçirilən toplantıda Gənclər və İdman Nazirliyinin, Gənclər Fondunun və İqtisadi İnkişaf Nazirliyinin nümayəndələri də iştirak edib. Toplantı zamanı ictimai birliyin fəaliyyət planı təsdiq olunub, görüləcək işlərlə bağlı ətraflı müzakirələr aparılıb. Xatırladaq ki, Azərbaycan “Gənc Sahibkarlar Şəbəkəsi” İctimai Birliyi fevral ayının 29-da dövlət qeydiyyatına alınmışdır. İctimai Birliyin təqdimat mərasimi iyunun 16-da baş tutmuşdu. Aərbaycan “Gənc Sahibkarlar Şəbəkəsi” İctimai Birliyinin başlıca fəaliyyət istiqamətləri sahibkarlar arasında əməkdaşlığın gücləndirilməsi, gənc sahibkarların əməli -nəzəri biliklərinin artırılması və biznesin inkişafı üçün investisiyaların cəlb olunmasıdır.

Elnur Eltürk