1. Miq.az
  2. Hikmət Nikbin: "Ölmək günah deyil ki..."

Hikmət Nikbin: "Ölmək günah deyil ki..."

Hikmət Nikbin:
Tarix: 09.03.2019 23:26
Baxış sayı: 5206

 
Ölmək - ötən qış haqqında əlcək xatirələridir,
ölmək - əlində qartopu,
qara inanmamaqdır...
 
...Ölmək - göy üzünün sahillərində
Tanrıyla görüşdür!
 
Ölmək - tapmamaqdır sağları,
küsdürməkdir qərənfil kolunu.
Güllərin yad edilmir xatirələri...
 
...Ölmək günah deyil ki,
ölmək- sevdiyinə məktub aparmaqdır bir sabah!
...Məktubda bir cümlə; -Mən yoxam!
 
 
*
Döyürəm qapısını şeh damcısının,
deyir:-yaz deyil...
 
Bütün sabahlar yoluma çıxır...
Əlində ömür adlı yuvam,
bir gün içəcək gözümü, kipriklərimi.
Yaşım az deyil...
 
Gecələrin ağrısı
hamıya çatır, bəs edincə.
Şirini qalmadı ki,
qonaq olmağa...
 
Yuxu tutur adımı...
Tanrı səni saxlasın, dünya,
mənimsə saatımı.
 
Yarpaqlar kimi
qopur buluddan damcılar...
Göy qoşunundan ağaran Yer üzü
sığır addımlarıma,
sığır addımlarıma!

Miq.Az
 



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az