Hökumət hesabat hazırladı

Müəssisə və təşkilatlarda əmək müqavilələrinin bağlanmasına ciddi nəzarət olunur

Ötən il Azərbaycanda müəssisə və təşkilatlarda əmək müqaviləsi bağlamadan işəgötürənlər tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb olunması hallarının aşkar edilməsi məsələsi üzrə operativ nəzarət aparılıb.”Vətəninfo”nun Nazirlər Kabinetindən əldə etdiyi məlumata görə, bu barədə Azərbaycan Respublikası Nazirlər Kabinetinin 2011-ci ildə fəaliyyəti haqqında hesabatında qeyd olunur.Hesabatda bildirilir ki, 5731 obyektdən 2767-də aparılan araşdırma nəticəsində 5729 fiziki şəxsin əmək müqaviləsi bağlanılmadan işlərin yerinə yetirilməsinə cəlb edildiyi aşkar olunub. Qanun pozuntusuna yol vermiş şəxslər barəsində Vergi Məcəlləsinə müvafiq qaydada tərtib olunmuş aktlara əsasən 5,1 milyon manat maliyyə sanksiyası tətbiq edilib.