Axar.az xəbər verir ki, bunu ABŞ Prezidenti Donald Tramp "Truth Social"da bildirib.

"Onlar (İran hakimiyyəti – red) Yaxın Şərqi ələ keçirmək və idarə etmək istəyirdilər:

"Bu, İranın min illər ərzində ilk dəfədir ki, ətraf Yaxın Şərq ölkələrinə uduzuz. İran artıq "Yaxın Şərqin zorakısı" deyil, onlar əksinə, "Yaxın Şərqin məğlubudur”. Təslim olana və ya daha çox ehtimal ki, tamamilə dağılana qədər onilliklər boyu belə qalacaq!”

Tramp eyni zamanda qeyd edib ki, bu gün İrana çox ağır zərbə vurulacaq:

"İranın pis davranışı səbəbindən tam dağıntı və mütləq ölüm ciddi şəkildə nəzərdən keçirilir, bu ana qədər hədəfə alınmayan ərazilər və insan qrupları. Bu məsələyə diqqətinizə görə təşəkkür edirəm!”.

Xatırladaq ki, İran Prezidenti Məsud Pezeşkian Müvəqqəti Rəhbərlik Şurasında martın 7-də İranın hücum etdiyi qonşu ölkələrdən üzr istədiyini deyib. İran prezidenti qeyd edib ki, Müvəqqəti Rəhbərlik Şurası qonşu ölkələrə hücum etməmək və həmin ölkələrdən İrana hücum olmasa, raket atmamaq barədə qərar qəbul edib.