"ABŞ Suriyadan ya öz istəyi ilə çıxar, ya da sillə ilə çıxararıq". İstiPress-in məlumatına görə, İranın Ali dini lideri Əli Xamneyinin baş müşaviri Əli Əkbər Velayəti belə deyib. O, Amerikanın Suriyadakı hərbi varlığının yolverilməz olduğunu deyib və reaksiyasını ən sərt formada dilə gətirib.

Velayəti Məşhəddə Fələstinə həsr edilən konfransda çıxış edib. Onun sözlərinə görə, ABŞ Suriyanı bölməyə çalışır. Lakin buna nail ola bilməyəcək.

"ABŞ İraqı bölə bilmədiyi kimi Suriyanı da bölə bilməyəcək. Fəratın şərqindəki ABŞ gec-tez buradan çıxmalıdır. Ya özü çıxar, ya da başına zərbə ilə çıxararıq". 

İran rəsmisi ABŞ-ın terror təşkilatı olan İŞİD-ı Əfqanıstan torpaqlarına yerləşdirməyə çalışdığını deyib. "Buna göz yumsaq 900 kilometrlik sərhədd xəttimiz təhlükədə olacaq. Bunun üçün bu addımı atmasına icazə vermək olmaz".