İş adamı Anar Əliyev Moskvada güllələndi – VİDEO

Bu gün Moskvada naməlum killer tərəfindən güllələnən azərbaycanlı biznesmen Anar Əliyev xəstəxanada keçinib.

Bu haqda life.ru xəstəxana mənbələrinə istinadən xəbər verir. Biznesmenin aldığı güllə yaraları ağır olduğundan həkimlər onu xilas edə bilməyiblər.

***

Rusiyanın paytaxtı Moskva şəhərində iş adamı Anar Əliyev güllələnib. Qaynarinfo-nun verdiyi xəbərə görə, sui-qəsd anınının videosunu Mash teleqram-kanalı yayıb.

Anar Əliyev "Lexus” avtomobili ilə parkinqdən çıxarkən naməlum şəxs ona güllə atıb.

Avtomobil iş adamının evinin yanında olub. Yol ayrıcında naməlum şəxs avtomobilə tərəf qaçaraq sürücünün başına güllə atıb.

Hadisədən dərhal sonra bilinib ki, killer Azərbaycandan olan iş adamı Anar Əliyevi yalnız yaralayıb.