“Merkel Putinlə görüşəndə mələk olur, mən şeytan…”

Müstəqil və suveren ölkə olan Yunanıstanın Rusiya ilə əlaqələrini inkişaf etdirmək və hər cür razılaşmanı imzalamaq hüququ var.

Vətəninfo.az Axar.az-a istinadla  xəbər verir ki, bu barədə İtaliya mətbuatına açıqlamasında Yunanıstanın Xarici İşlər naziri Nikos Kotzias deyib. O, Qərbin Rusiya məsələsində onlara qarşı ikili standartdan çıxış etdiyini bildirib:
“İtaliyalı həmkarım Paolo Gentiloni Rusiya Prezidenti Vladimir Putinlə görüşəndə heç kim səsini çıxarmır. Almaniya Baş naziri Angela Merkel də Putinlə görüşəndə mələk münasibəti görür. Hətta Almaniya Rusiya ilə “Şimal axını” sazişini imzalayanda heç kim bir söz demədi. Amma mən Moskvaya gedib bir müqavilə imzalayanda şeytan münasibəti görürəm”.
Nikos Kotzias Yunanıstanın Rusiya ilə əlaqələrinin Vaşinqtonla əməkdaşlığa kölgə salmayacağını bildirib.