Rus hərbi təyyarəsi ABŞ-ı qorxuya saldı VİDEO

Ağ evin üzərindən uçan Rusiya təyyarəsi ABŞ-ı qorxuya saldı. İstiPress-in məlumatına görə, Rusiya Hava Kosmik Qüvvələrinə məxsus təyyarə Ağ evlə yanaşı, Pentaqon, Mərkəzi Kəşfiyyat İdarəsi, Konqres kimi strateji obyektlər üzərində uçuş həyata keçirib.
Sosial şəbəkələrdə böyük təşvişə səbəb olan uçuşu bəziləri Trampın Rusiya siyasəti ilə əlaqələndirib. 
ABŞ Müdafiə Nazirliyinin rəsmisi uçuşla bağlı açıqlama verib. O, bunun müşahidə uçuşu olduğunu deyib. Uçuş "Açıq səma" razılaşmasına əsasən baş tutub. Razılaşmaya görə, istənilən yerdə uçuş icazəsi istənilir və demək olar ki, həmişə verilir. Bu yolla əcnəbi hərbi müşahidəçilər demək olar ki, bütün ölkə ərazidə uça bilir. 
Rusiya tərəfi də uçuşun Amerika hökuməti ilə razılaşdırıldığını, göyərtədə ABŞ Hərbi Hava Qüvvələrinin də nümayəndələrinin olduğunu bildirib.