Miq.az-ın cebhe.info-ya istinadən verdiyi məlumata görə, axtarışda olan "qanuni oğru”lar arasında azərbaycanlılar da var.

Bunlardan biri Əmirov Rafet Əlirza oğludur. Kriminal aləmdə Rafet Əli-Bayramlinski kimi tanınır. 1979-cu il təvəllüdlüdür, 2014-cü ildə "taclandırılıb”. Bəzi məlumatlara görə, 1 il sonra statusu geri alınıb. Ancaq bu məlumatı özü inkar edir.

Axtarışda olduğu deyilən digər azərbaycanlı "qanuni oğru” Əliyev Yusif Nurəddin oğludur. Ləqəbi Yusif Şamxorskidir. 1971-ci ildə Şəmkirdə doğulub.2008-ci ildə Moskvada status alıb.

Axtarışdakı üçüncü "qanuni oğru” İsmayılov Rəşad Məmməd oğludur. 1978-ci ildə Gəncədə doğulub və  2013-cü ildə Moskvada "taclandırılıb”.

Qeyd edək ki, hazırda axtarışda olan 15 "qanuni oğru” arasında Bakı ermənisi də var. Bu, Artur Qəribyandır. 1974-cü ildə Bakıda doğulan "oğru” 2001-ci ildən status alıb.