O, rəsmi qurumların qiymət siyasəti ilə bağlı daha açıq və detallı məlumat verməsinin vacibliyini qeyd edib.

 

V.Qarayev bildirib ki, qiymətlərlə bağlı təqdim olunan məlumatlar aydın deyil və ictimaiyyətdə əlavə suallar yaradır: "Açıqlamada "komfort - 51 AZN” ifadəsi yer alır, lakin bunun konkret olaraq nəyi ifadə etdiyi tam başa düşülmür. Bakı-Tbilisi marşrutu üzrə biletlərin "81 AZN-dən başlayır” şəklində təqdim olunması da sual doğurur: "Başlayırsa, bəs son qiymət nə qədərdir? Fiks qiymət yoxdurmu?”

 

Pediatr həmçinin ADY-nin "Avropa standartlı qatarlar”, "plaskart yoxdur, kupe və yüksək sinif vaqonlardır” kimi açıqlamalarına da münasibət bildirib: "Bu cür məlumatlar hissə-hissə deyil, dolğun və aydın şəkildə təqdim olunmalıdır. Bu açıqlamanı niyə damcı-damcı verirsiniz? Birdəfəlik dolğun məlumat vermək olmazmı? Axı, bu qatarlardan istifadə edənlərin hamısı biznesmen deyil. Heç turist də deyil. İnsanlar ilboyu doğmalarının xeyir-şər məclisinə, el-obasına gedəcək. Aydın məlumat verilsə, sizdən narazı qalacaqlar? Ya da bəlkə bu qiymətlərə etiraz edəcklər?”