Yerə düşən iPhone-ları qorumaq üçün yeni üsul

Vətəninfo.az appleinsider.com-a istinadən xəbər verir ki, apple mütəxəssisləri pişikləri müşahidə edərkən ağıllarına gözəl bir fikir gəlib. Məlumdur ki, pişikləri hündürlükdən kürəyi üstə buraxsaq da, yerə mütləq ayaqları üstə düşər və beləliklə bədənləri xəsarət almaqdan qorunar. İndi də bu xüsusiyyəti iPhone üçün reallaşdırmaq qərarına gəliblər. Hətta bu texnologiyaya patent almaq üçün xüsusi qurumlara müraciət də olunub. Bu texnologiya sayəsində iPhone-lar əlimizdən və ya məsələn, masadan düşdükdə sərbəst düşmə avtomatik müəyyən olunaraq ağırlıq mərkəzinin yerini dəyişən mexanizm işə düşəcək və pişiklər kimi havada fırlanaraq zədələnməkdən maksimum qorunacaq, ekranı zədələnməkdən qorunacaq, ən dözümlü hissəsi üzərinə düşəcək. Bunun müəyyən olunması üçün telefonlardakı giroskop, akselerometr, GPS və hətta fotokameradan yararlanacaqlar. Gələcəkdə isə bu texnologiyadan smartfonlar, planşetlər, pleyerlər, fotoaparatlar və s. istifadə olunacaq.

Nərmin Kərimova

Vətəninfo.az