ATƏT-in regionlarda sahibkarlığa xüsusi diqqəti

Qurumun Bakı ofisi Mingəçevirdə kiçik və orta sahibkarlar üçün Hüquq Mərkəzi açdı 

Mingəçevir şəhərində ATƏT-in dəstəklədiyi kiçik və orta sahibkarlar üçün Hüquq Məsləhət Mərkəzinin açılış mərasimi keçirilib. Yeni açılan mərkəzin regionda iqtisadiyyatın  davamlı inkişafı, həmçinin kiçik və orta sahibkarlıq üçün sağlam biznes mühitinin gücləndiriləcəyinə xidmət  edəcəyi bildirilib. 

ATƏT-in Bakı ofisinin mətbuat xidmətindən Veteninfo.az-a verilən xəbərə görə, Ofisin rəhbəri, səfir Koray Torqay iqtisadiyyatın tərəqqisində,regionlarda qeyri-neft sektorunun gəlirlərinin artırlımasında kiçik və orta sahibkarların rolunun vacibliyi önə çəkib. 

Səfir Hüquq məsləhət mərkəzinin qadınların da iqtisadiyyata cəlb olunması işinə öz töhvəsini verəcəyini dilə gətirib. 

Yeni fəaliyyətə başlayan mərkəzin Azərbaycanda ATƏT-in dəstəklədiyi ikinci mərkəz olduğu diqqətə çatdırılıb. 

Açılış mərasimindən sonra “Kiçik və orta sahibkarların iqtisadi inkişafda rolu” mövzusunda dəyirmi masa keçirilib. Toplantı iştirakçıları həmçinin vergilər, qeydiyyat və lisenziyalaşdırma da daxil olmaqla sahibkarlıq fəaliyyətinin hüquqi tənzimlənməsini müzakirə ediblər. 

Rövşən Ziya