Erməni fermerlər İrəvan-Ararat yolunu bağladı

Ermənistanlı fermerlər bu gün səhər saatlarında İrəvan-Ararat yolunu bağlayaraq hakimiyyətdən yetişdirdikləri üzümün satılması ilə bağlı yaranan problemin həllini tələb ediblər.

Modern.az-ın Ermənistan KİV-ə istinadən verdiyi xəbərə görə, fermerlər deyiblər ki, bu il üzüm boldur, təşkilatlar isə məhsulu az miqdarda, özü də keçənilki qiymətlə alırlar. Nəticədə minlərlə ton məhsul xarab olur.

Fermerlər yetişdirdikləri məhsulun hamısının satışının reallaşmasını tələb edirlər.

Onların dediyinə görə, bir müddət əvvəl kənd təsərrüfatı naziri də bu məsələdə onlara kömək edəcəyini deyib.