“Moskvanın bu meyli erməniləri qıcıqlandırır”

“İki dövlət arasında tərəfdaşlıq əlaqələrinin dərinləşməsi faktı müşahidə olunur və bu fürsətdən istifadə etməmək mümkün deyil”.

Vətəninfo.az xəbər verir ki, bu barədə Axar.az-a açıqlamasında politoloq Fikrət Sadıqov danışıb. O bildirib ki, Moskvanın son zamanlar Bakıya meyilliliyi İrəvanı özündən çıxarır:
“Putinin nümayəndələri də etiraf etdi ki, görüşlər Dağlıq Qarabağ məsələsinin müzakirəsi ilə nəticələnib. Yaxın zamanlarda hansısa radikal dəyişikliklər olmasa da, ortada çox önəmli faktlar var. Rusiya son zamanlar Azərbaycanyönlü addımlar atmaq fikrindədir və hətta Moskvanın bunu gizlətməməsi Ermənistanı qıcıqlandıran bir amilə çevrilib. Hiss olunur ki, İrəvan bundan çox narahatdır. Çünki regionda Azərbaycan Rusiya ilə daha önəmli oyunçudur, nəinki Ermənistanla. Yaranmış hazırkı geosiyasi qarşıdurma zəminində Azərbaycana bir meyililik var. Düşünürəm ki, görüşlərdə Dağlıq Qarabağla bağlı ciddi müzakirələr olub. Zənnimcə, qarşıda bunun nəticələri aydın olacaq”.