1390 jurnalist Putinlə görüşə gedir

Rusya Prezidenti Vladimir Putinin 17 dekabrda keçirəcəyi brifinq dünya media orqanlarının böyük marağa səbəb olub.

VİZUAL.azxəbər verir ki, Rusiya lideri ilə görüşmək üçün ümumilikdə 1390-dan artıq jurnalist müraciət edib. Bu rəqəm son beş ildə rekord səviyyəyə çatıb. Qeyd edək ki, ötən il 1259 jurnalist akkreditasiyadan keçmişdi.

Azərbaycanda da Kreml rəhbəri ilə görüşə gedən jurnalistlər olacaq. Azərtac-dan Fəridə Abdullayeva, ATV telekanalından Elzar Ağayev, APA-dan Fərid Əkbərov, Lider telekanalından Anar Həsənov, Azərbaycan Dövlət Televiziyasından Zakir Musayev, AzerRos.ru saytından Cəmil Sadıqbəyov və Vaqif Adıgözəlov, Çin Mərkəzi Televiziyasının (CCTV) Rusiya bölməsinin müxbiri Rasim Nəbiyev, "İşgüzar İran” jurnalı Rəcəb Səfərov, Cihan informasiya agentliyindən Fuad Səfərov və İHA informasiya agentliyindən Fuad Abbasov tədbirdə iştirak edəcək.

Putinin mətbuat konfransı dekabrın 17-də, Bakı vaxtı ilə 13:00-da başlayacaq. Bu, Rusiya prezidentinin keçirdiyi sayca 11-ci geniş mətbuat konfransı olacaq. Brifinq "Rossiya 1”, "Rossiya 24” ve "ORT” televiziya kanallarından birbaşa yayımlanacaq.