1. Miq.az
  2. 23 diplomat Rusiyanı tərk edir

23 diplomat Rusiyanı tərk edir

23 diplomat Rusiyanı tərk edir
Tarix: 23.03.2018 17:00
Baxış sayı: 868

Böyük Britaniyanın 23 diplomatı bu gün Rusiyanı tərk edir.


Miq.az APA-ya istinadən xəbər verir ki, diplomatları daşıyan 3 mikroavtobus Böyük Britaniyanın Rusiyadakı səfirliyini tərk edərək hava limanına gedib. Səfirliyin digər əməkdaşları həmkarlarını alqışlarla yola salıblar.

Qeyd edək ki, martın 4-də Britaniyanın Solsberi şəhərində Rusiya Müdafiə Nazirliyi Baş Kəşfiyyat İdarəsinin sabiq polkovniki Sergey Skripal və qızı zəhərlənib. Britaniya tərəfi Skripalın zəhərlənməsində Rusiya dövlətini ittiham edib. Rusiya isə hadisədə əlinin olmasını inkar edir. Bu insidentlə bağlı Britaniyada diplomat adı altında fəaliyyət göstərən 23 rusiyalı kəşfiyyatçı ölkədən çıxarılıb, Rusiya ilə yüksək səviyyədə ikitərəfli əlaqələr dondurulub.

 
Rusiya Xarici İşlər Nazirliyi də martın 17-də Britaniyaya qarşı cavab tədbirlərini açıqlayıb. Bu tədbirlərə əsasən 23 britaniyalı diplomat "arzuolunmaz şəxs" elan edilib, onlara Rusiyanı tərk etmək üçün bir həftə vaxt verilib. Bundan başqa, Britaniyanın Sankt-Peterburqdakı Baş Konsulluğu bağlanıb, "Britaniya Şurası"nın ölkədə fəaliyyəti dayandırılıb.



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az