"Ailə TV" fərdi seçim paketinin tətbiqinə başlayıb

"Ailə TV" fərdi seçim paketinin tətbiqinə başlayıb.

Vətəninfo.az-ın məlumatına görə, "Caspian Telecom"un mətbuat xidmətindən AZƏRTAC-a bildirilib ki, fərdi seçim paketində müxtəlif mövzuları əhatə edən 70 telekanal mövcuddur. Bu telekanallardan istənilən 12 telekanalı seçmək mümkündür. Fərdi istəyə görə seçilmiş 12 əlavə telekanala aylıq abunə 5 manat təşkil edir.

Paketə daxil olan telekanalları "aile.tv" saytından sifariş vermək mümkündür. Abunəçilərin rahatlığı üçün, saytın "qoşul" bölməsində xüsusi online sifariş forması hazırlanıb. Bundan əlavə, yeni paketi "Ailə TV" filiallarında da aktivləşdirmək olar. Bunun üçün abunəçi qeydiyyatda olduğu "Ailə TV" filialına yaxınlaşaraq müvafiq sifariş blankını doldurmalıdır.

Qeyd edək ki, rəqəmsal yayım abunəçiləri yalnız bir əlavə paketə abunə ola bilərlər. HD və fərdi seçim paketlərinə eyni zamanda abunə mümkün deyil.