AKP seçkiləri müzakirə etdi

Noyabrın 29-da Azərbaycan Kommunist Partiyası Mərkəzi Komitəsinin növbəti plenumu keçirilib.

Partiyadan Vizual.az-a verilən xəbərə görə, plenumda son parlament seçkilərinin nəticələri müzakirə olunub. Həmçinin AKP-nin XXXVIII(V) qurultayına hazırlıq vəziyyəti və Azərbaycan KP MK-nın 2016-cı il üçün iş planı geniş müzakirə mövzusu olub.

AKP MK-nın qarşıdan gələn il üçün iş planı əlavə təkliflər də nəzərə alınmaqla yekdilliklə təsdiq edilib. Plenumda AKP MK sədri Rauf Qurbanov geniş məruzə ilə çıxış edib. Məruzə ətrafında KPİ - Sov. İKP Mərkəzi Şurasının üzvülüyünə namizəd, AKP MK sədrinin müavini Fikrət Rəşidov, AKP Suraxanı Rayon Komitəsinin birinci katibi Əhmədağa Cavadov, AKP Xətai Rayon Komitəsinin katibi Firuddin Haşımov, AKP Nizami Rayon Komitəsinin birinci katibi Nizami Abbasov, KPİ- Sov. İKP Siyasi Şurasının üzvü, AKP Gəncə Şəhər Komitəsinin birinci katibi Əlövsət Veysov, AKP MK -nın Muğan zonası üzrə baş koordinatoru, AKP Sabirabad Rayon Komitəsinin birinci katibi Nazim Ağayev, KPİ-Sov. İKP MNTK -nın üzvü, AKP MK MNTK -nın sədri Ələddin Bağırov, AKP Goranboy RK - nın birinci katibi Taleh Əsədov və digər yoldaşlar çıxış ediblər.

Tədbirin sonunda Azərbaycan KP MK sədri Rauf Qurbanov partiya işində fərqlənən yoldaşları faşizm üzərində qələbənin 70 illik münasibəti ilə RFKP MK-nin təsis etdiyi xatirə medalları ilə təltif edib. Bununla da Azərbaycan Kommunist Partiyası Mərkəzi Komitəsinin plenumu öz işini yekunlaşdırıb.