İsveçdə dünya şöhrətli geyim brendlərindən birinin hazırladığı corablar müsəlmanları ayağa qaldırıb. İstiPress-in məlumatına görə, H&M mağazalar şəbəkəsində yeni corablar satışa çıxarılıb. Corabların üstündə əlində çəkic olan insan fiquru - leqo təsvir edilib. Onu başıaşağı çevirəndə isə üzərində isə ərəb dilində Allah yazısına bənzəyən işarələr aydın görünür. 

Müsəlman fəalların etirazından sonra corablar satışdan çıxarılıb. Mağazadan verilən açıqlamaya görə, bu bənzərlik tamamilə təsadüfüdür və qəsdlə edilməyib. 

Xatırladaq ki, bir müddət öncə H&M reklamlarından birindəki irqçiliyə görə tənqid hədəfi olmuşdu. Belə ki, reklamda qaradərili uşaq təsvir edilib və "Cunqulidəki ən dəbli meymun" yazısı təqdim edilib. 

H&M 1947-ci ildə İsveçdə yaradılıb. Baş ofisi Stokholmdadır.