Araik Ağdamın kəndində yeni xaçkar abidəsinin açılışını etdi...-FOTOLAR

Araik Ağdamın kəndində yeni xaçkar abidəsinin açılışını etdi...-FOTOLAR

Azərbaycan Respublikasının  Xankəndi, Xocalı, Əsgəran, Ağdərə şəhərlərində, eləcə də Xocalı, Xocavənd, Kəlbəcər, Tərtər və Ağdam rayonlarının hüquqi-inzibati ərazilərinin bir hissəsində tör-töküntüləri hələ də faktiki olaraq fəaliyyət göstərən separatçı-terrorçu rejimin başçısı Araik Arutyunyan  9 mayda torpağımızda növbəti qanunsuz tədbir icra edib.
 

Moderator.az xəbər verir ki, bu haqda Xankəndindəki erməni nəşrləri məlumat yayıb.
 
Məlumata görə, Azərbaycan dövlətinin İnterpolla aradığı Araik dünən Ağdam rayonunun işğal altındakı Ballıqaya kəndinə yollanıb. Baş separatçı həmin Azərbaycan kəndində separatçı-terrorçu rejimin əski parçası altında  44 günlük savaşda Milli Ordumuz tərəfindən gorbagor edilmiş  erməni tankçı Armen Baqdasaryan ad-soyadlı məxluqun "xatirəsi”nə xaçkar abidəsinin  açılışında iştirak edib. Araik işğalçı hərbçinin ailə üzvlərinə onun "layiq görüldüyü”  "1-ci dərəcəli döyüş xaçı” ordeni təqdim edib.
 

Xatırladaq ki, ermənilərin "Kiçan” adlandırdığı Ballıqaya yaşayış məntəqəsi - Azərbaycan Respublikasının Ağdam rayonunun Sırxavənd kənd inzibati ərazi dairəsində kənddir. 29 dekabr 1992-ci ildə Kican kəndi Ballıqaya adlandırılmışdır.[2]
 
Kənd sovet dövründə  Ağdərə("Mardakert”) rayonunun tərkibində olub. 1992-ci Ağdərə rayonu ləğv edilərək ərazisi qonşu rayonlar arasında bölüşdürüldükdən sonra  Ballıqaya  Ağdam rayonunun ərazisinə düşüb. 
 
2020-ci il 10 noyabr razılaşmasına əsasən  noyabrın 20-də Ağdam rayonun bütün ərazisindən erməni  hərbi birləşmələri çıxarılmalı olsa da, sovet dövründə Ağdərə rayonuna aid olan digər kəndlər kimi bu kənd də Rusiya hərbi kontingentinin himayə etdiyi ermənilərin işğalı altında qalıb.
 
Təəssüf ki,  Ağdama aid  "Vikipediya” məlumatlarında rayonun bütün ərazisinin işğaldan azad edildiyi haqda yalan məlumat verilir.
 
Sultan Laçın


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az