Benzinin qiyməti qalxdı

Vətəninfo.az  xəbər verir ki, Azərbaycanın yanacaqdoldurma məntəqələrinə yenicə gətirilmiş “Premium Euro-95” markalı benzinin qiyməti qalxıb. ANS PRESS-in məlumatına görə, 93 qəpiyə satılan “Premium” markalı benzin 4 qəpik artaraq 97 qəpik olub.

Ölkədə fəaliyyət göstərən bəzi yanacaq doldurma məntəqələri ANS PRESS-ə bu faktı təsdiqləyiblər. Bildirilib ki, “Premium Euro-95” markalı benzinin qiymətindəki artım dünya bazarında neftin qiymətindəki artımla əlaqəlidir. Sözügedən benzin markasının qiymətində artım bu gün gecədən müşahidə edilib. Qeyd edək ki, Azərbaycanda yanacaqdoldurma məntəqələrində satılan "Premium Euro-95" benzini ölkəyə xaricdən idxal edilir və idxal edilən benzinin qiyməti dövlət tərəfindən tənzimlənmir.

Vətəninfo.az