Türkiyədə baş verən zəlzələdən sonra Malatya İnönü Universitetində təhsil alan 4 azərbaycanlı tələbədən xəbər yoxdur.

Miq.Az xəbər verir ki, Azərbaycan səfirliyinin Malatyadakı nümayəndəsi Elvin Əhmədovun Publika.az-a verdiyi məlumata görə, Samir Quliyev, Şahin Verdiyev, Hümam İsmayıllı və Gündüz Nəzərzadənin yaşadıqları bina çöküb.

"Həmin tələbələrlə bağlı müvafiq orqanlara rəsmi sorğu göndərilib, cavab gözləyirik", - o əlavə edib.

***

Türkiyənin Malatya şəhərində xilasedicilərin 4 azərbaycanlı tələbə - Samir Quliyev, Şahin Verdiyev, Hümam İsmayıllı və Gündüz Nəzərzadənin dağıntılar altından çıxardığı iddiası yayılıb.