Gürcüstandan gələn maşınların sayı azalıb

Vətəninfo.az  xəbər verir ki, bu ilin yanvar-iyul aylarında Gürcüstandan Azərbaycana 167 097 min dollar dəyərində 12 856 min minik avtomobili ixrac olunub. Bu barədə “APA-Economics” Gürcüstan Milli Statistika Xidmətinə istinadən məlumat verib. Bu, ötən ilin eyni dövrü ilə müqayisədə 11 517 avtomobil və ya 47,2% azdır. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 26,8% azalıb. Bu ilin 7 ayı ərzində Gürcüstandan Azərbaycana ixrac olunan malların ümumi həcmində bu kateqoriyanın xüsusi çəkisi 49,5% təşkil edib. Ölkənin bu kateqoriyadan olan ümumi ixracında isə Azərbaycanın xüsusi çəkisi 50,4% təşkil edib.

Qeyd edək ki, bu ilin yanvar-iyul aylarında Gürcüstandan Azərbaycana 337 627,6 min dollar dəyərində məhsul ixrac edilib. Yəni, Gürcüstanın ixracatının 20,3%-i Azərbaycanın payına düşüb.

Vətəninfo.az