Heç kim bizə əmr verə bilməz - Prezident

Axar.az xəbər verir ki, bu sözləri Ukrayna Prezidenti Vladimir Zelenski amerikalı həmkarı Donald Trampın Co Baydenin işi ilə bağlı ona təzyiqlər etməsi yönündəki iddiaları növbəti dəfə şərh edərkən deyib.
"İstintaqı normal qarşılayırıq, lakin bunun mənimlə əlaqəsi yoxdur. Müstəqil idarələrimiz hər hansı qanun pozuntusunu araşdırmağa hazırdır”, - deyə Zelenski bildirib.
Qeyd edək ki, Donald Trampın sabiq vitse-prezident və ABŞ prezidentliyinə demokrat namizəd Co Baydenin Ukraynada biznes fəaliyyəti göstərən oğlu ilə bağlı araşdırılma aparılması üçün Zelenskiyə təzyiq etdiyi haqda məlumat yayılıb. Nümayəndələr Palatası buna görə impiçment araşdırmasına başlamaq qərarı verib, Ağ Ev isə telefon danışığının stenoqramını yaymaqla məlumatı təkzib edib.