Həmədan əhalisindən türk dili-TƏLƏBİ

Vətəninfo.az-a güney Azərbaycandan daxil olan məlumata görə,  Həmədan vilayəti əhalisi arasında türk dilində televiziya proqramlarının yayılması  ilə bağlı kompaniyaya başlayıblar. Məlumata görə, əhali vilayət telekanalında türk dilində verilişlərin yayılmasını tələb edirlər və bu tələblərini İran prezidenti Həsən Ruhaninin Həmədan vilayətinə səfəri ərəfəsində daha artıracaqlar.

Məlumatda qeyd edilir ki, İran prezidentin Həmədana gözlənilən səfəri zamanı belə bir tələbin  sakinlər tərəfindən səsləndiriləcəyi gözlənilir.

GünAz TV-nin məlumatına görə isə bu vilayətdə milli kimliyin qorunması uğrunda müxtəlif istiqamətlərdə cəhdlər var. Məsələn, son günlərdə Bahar şəhərinin girişində türkcə "Xoş Gəldiniz” yazılıb.

Hər il olduğu kimi bu il də avqustun 21-də tanınmış türk şairi Telimxanın anım mərasiminə çox sayda insan qatılıb.  Bu növ tədbirlər türk mədəniyyəti və ədəbiyyatına olan bağlılığln ifadəsi kimi yozulur.

 

Vətəninfo.az