Naxçıvana atəşin səbəbi: Bakını cavaba məcbur etmək və...

Naxçıvana atəşin səbəbi: Bakını cavaba məcbur etmək və...

Ermənistan Naxçıvan, xüsusilə Sədərək istiqamətində atəşkəsi pozur. Buna səbəb Naxçıvan MR Sədərək rayonunun Ermənistan işğalında qalan Kərki kəndinin qaytarılması məsələsinin gündəmdə olmasıdır.

Anklavların qaytarılmasının 10 noyabr Bəyanatına daxil edildiyi, lakin Ermənistan hakimiyyətinin daxili auditoriya qarşısında duruş gətirə bilməyəcəyi üçün çıxarıldığı və sonraya saxlanıldığı haqda məlumatlar var idi. Kərki və Qazaxın 7 kəndinin yeni sərhəd müqaviləsinə daxil ediləcəyi gözləniləndir. Paşinyandan sonra Əliyevin Moskvaya səfərinin əsas gündəm mövzularından biri də sərhədlərin delimitasiyasıdır.

Bunun fonunda Ermənistanın Sədərək istiqamətində hücum cəhdləri təsadüfi deyil:

1. Azərbaycanı cavab hücumuna təhrik etmək və KTMT-ni, eləcə də Rusiyanı öhdəlikləri qarşısında çıxılmaz vəziyyətə salmaq məqsədi daşıyır;

2. Ermənistan Rusiyanın öhdəliklərinə əvəz olaraq, sərhəd müqaviləsində onun mövqeyini müdafiə etməsinə nail olmaq istəyir;

3. İstisna deyil ki, həmin bölgədə Kərki kəndinə, yaxud kəndə çıxan yola nəzarətə imkan verən yüksəkliklər uğrunda mübarizə gedir.(axar.az)

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az