Putinin iki seçimi: “Bu addımı atsa, uduzacaq və devriləcək” – Şok iddia

Putinin iki seçimi: “Bu addımı atsa, uduzacaq və devriləcək” – Şok iddia

NATO-nun Madriddə keçirilən sammitinin nəticələri və alyansın gələcəkdə iki ölkə hesabına genişlənməsi göstərdi ki, Putin verdiyi bəyanatların əksinə olaraq, istəyinə nail ola bilməyib.

Miq.Az Teleqraf.com-a istinadən xəbər verir ki, bunu rusiyalı publisist və sosioloq İqor Eydman deyib.

"Putin elə bilirdi ki, Ukraynanı tez ələ keçirəcək, hamı "Böyük Rusiya”dan qorxacaq, NATO qorxusundan biabırçı şəkildə dağılacaq. Amma bunun əksinə, Kreml lideri qarşısında daha güclü NATO görəcək”, - ekspert bildirib.

Onun fikrincə, İsveç və Finlandiyanın NATO-ya qoşulması alyansın Baltikyanı regionda tam hökmranlığını bərqərar edəcək.

Eydman NATO-ya qoşulmağa hazırlaşan İsveçin güclü ordusunun olduğunu, hətta bu baxımdan son illərdə müdafiəsinə az diqqət yetirən Almaniyadan da öndə olduğunu bildirib:

"Yəni, Putin NATO-nu zəiflətmək, parçalamaq, dağıtmaq əvəzinə Ukraynadakı kriminal avantürası nəticəsində bu ittifaqı köklü şəkildə gücləndirib. İndi Kremlin iki yolu var. Birincisi odur ki, Rusiya bir müddət Ukrayna ilə "isti”, NATO ilə isə "soyuq” müharibəni davam etirir. Bu halda uduzacaq və Putin rejimi devriləcək. İkinci variant isə Rusiya liderinin nüvə müharibəsinə başlamasıdır. Bu halda da uduzub devriləcək, amma bundan əvvəl qlobal fəlakət gələcək”.

Eydmana görə, hər iki variant Putin üçün son və çöküş deməkdir:

"Ən pis ssenari, yəni nüvə müharibəsi baş verərsə, onlarla, hətta yüz milyonlarla insan Rusiya rejiminin qurbanı olacaq. Bu variantı istisna edə bilmərəm. Belə bir şeyin baş vermə ehtimalı 50 faizdən azdır, amma mümkündür”.

Miq.Az


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
infomiqaz@gmail.com

www.miq.az