Miq.az xəbər verir ki, bu il yanvarın 9-da Biləcəri qəsəbəsində Mehman Fəsədov qayını, Abşeron rayon sakini Elnar Canatovun (1985-ci il təv.) tikinti bazarında işlədiyi mağazanın qarşısına gələrək, münaqişə zəminində tüfəngdən ona atəş açıb. Sonuncuya sifət nahiyəsindən xəsarət yetirdikdən sonra, Fəsədov hadisə yerini tərk edib. Zərəçəkən xəstəxanaya yerləşdirilib və üzərində cərrahi əməliyyat aparılmaqla, həyatı xilas edilib.

Binəqədi RPİ 6-cı polis bölməsi əməkdaşlarının keçirdikləri əməliyyat-axtarış tədbirləri nəticəsində M.Fəsədov tutulub, ondan "İJ-58" markalı tüfəng və 5 ədəd patron götürülüb. İş üzrə dindirilən Mehman Fəsədov təxminən 2 həftə əvvəl ailəsində münaqişə yarandığını və qayınıgilin arvadı ilə övladlarını apardığını bildirib :"Məni polisə veriblər, lakin sonra ağsaqqalar yığışaraq, bizi barışdırıblar. 3 gündən sonra işdən evə gələrkən gördüm ki, ailəm yenə yoxdur". Hadisə günü əvvəl böyük qayını ilə görüşüb, amma razılığa gələ bilməyiblər. Sonra kiçik qayını Elnara zən edib və sonra onun işlədiyi bazara gedib. Canatov üstünə gələrkən qaranlığda 1 dəfə atəş açıb, amma hansı nahiyyəsinə deydiyini bilməyib. Cəmi bir patronu olub.

Məhkəmənin hökmü ilə təqsirləndirilən şəxs 10 il müddətinə azadlıqdan məhrum olunub.

 

 

 

 

 

 

Miq.az