Qənirə Paşayeva qədim Göynükdə Qarabağ həqiqətlərindən danışıb

Tarix: 26.08.2015 12:00
Baxış sayı: 423

Azərbaycanın umummimilli lideri Heydər Əliyevin dediyi kimi Azərbaycan və Türkiyə bir millət, iki dövlətdir deyən millət vəkili Qənirə Paşayeva Göynük bələdiyyə başqanı Kamal Kazanla gorüş zamanı Azərbaycan ilə Türkiyənin bəzi şəhərlərinin və bələdiyyələrinin qardaş şəhərlər və bələdiyyələr olduğunu bildirərək, Akşemseddin başda olmaqla bir çox tarixi şəxsiyyətlərimizə qucaq açmış qədim Göynüklə Azərbaycan bölgələrindən biri ilə qardaş olaraq görmək istədiklərini bildirib. Göynükdə uzun illər əvvəl Azərbaycandan köçüb gəlmiş insanların da yaşadığını deyən Göynük bələdiyyə başqanı Kamal Kazan Şəkidə eyni adlı bölgə ilə Baş Göynüklə qardaşlaşmaq istədiklərini bildirib və millət vəkili Qənirə Paşayevanın da bu məsələdə dəstək verəcəyinə inandığını deyib. Millət vəkili Qənirə Paşayeva bələdiyyə başqanı ilə Dağlıq Qarabağ problemi, Xocalı Soyqırımı, qondarma erməni soyqırımı ilə bağlı da fikir mübadiləsi aparıb və yaxın zamanlarda Göynükün mərkəzi parklarından birinə Qarabağ adının veriləcəyinə, Xocalı Soyqırımı abidəsinin qoyulacağına, mərkəzi küçələrdən birinə Azərbaycan adının veriləcəyinə inandığını deyib və Göynük bələdiyyəsi tərəfindən bu cür addımın atılmasının böyük əhəmiyyətindən, vacibliyindən danışıb. Millət vəkili Qənirə Paşayeva bir neçə gün əvvəl Şəmdinlidə terrorçular tərəfindən şəhid edilən Göynük sakini Uzman Çavuş Ziya Sarpkaya da daxil olmaqla bütün şəhidlərimizi rəhmətlə anırıq deyib. Millət vəkili bələdiyyə başqanına Azərbaycanla bağlı, Azərbaycan-Türkiyə münasibətlərinin bu günkü surətli inkişafı ilə bağlı geniş məlumatlar verib və fikir mübadiləsi aparılıb. Azərbaycanı sevdiyini deyən Göynük bələdiyyə başqanı Kamal Kazan Türkiyənin və Azərbaycanın bir millət iki dövlət olduğunu vurğulayaraq Göynük bələdiyyəsinə rəhbərliyi dövründə Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəyini deyərək qardaş bələdiyyələr məsələsi ilə də bağlı addımlar atılacağını deyib. Qarabağ problemi, Xocalı ağrısı hər zaman bizim də problemimiz və ağrımızdır deyən Göynük bələdiyyə başqanı Kamal Kazan hər zaman qardaş Azərbaycanın yanındayıq deyib və millət vəkili Qənirə Paşayevanın Göynükdə Qarabağ adını daşıyan parkın, Azərbaycan adına küçənin verilməsi təklifini müsbət qiymətləndirdiyini deyərək yaxın zamanlarda bu təklifin reallaşacağını deyib. Bələdiyyə başqanına müəllifi olduğu "Qənirə Paşayeva ilə addım-addım Türk dünyası” kitabını təqdim edən Qınirə Paşayeva kitabın yaxın günlərdə oxucuların ixtiyarına veriləcək 2-ci hissəsində qədim Göynükün də xüsusi yer tutduğunu deyərək Azərbaycan insanına Göynükü daha da geniş tanıdacaq bu hədiyyə mənim bu qədim bölgəmizə sevgimi də göstərəcək deyib. Millət vəkili Göynük bələdiyyəsi başqanı Kamal Kazanı və xanımını Azərbaycanda görməkdən məmnun olacaqlarını bildirərək onları ölkəmizə dəvət edib. Dəvəti məmnuniyyətlə qəbul edən Göynük bələdiyyə başqanı Kamal Kazan Azərbaycana məmuniyyətlə səfər etmək və əməkdaşlığı daha da genişləndirmək istədiklərini deyib. Görüşün sonunda millət vəkili Qənirə Paşayeva Göynük bələdiyyə başqanına həmmüəllifi olduğu "Hocalı soykırımı tanıkların dilindən”, "Karabağ hikayeleri” kitablarını , rəhbərlik etdiyi Avrasiya Beynəlxalq Araşdırmalar İnstitutu İB tərəfindən hazırlanan "Azərbaycan həqiqətləri” filmləri kataloqunu, Azərbaycan tarixi, mədəniyyəti, Qarabağ həqiqətlərini özündəəks etdirən kitablar, filmlər hədiyyə edib. Millət vəkili Göynükə səfəri çərçivəsində bğlgənin ziyalıları, qeyri-hökumət təşkilatları, fəal xanımları ilə də görüşərək geniş fikir mübadiləsi aparıb. Millət vəkili Göynük ziyarəti zamanı iyul ayının sonunda Şemdinlide 29 iyulda terrorçular tərəfindən şəhid edilən əslən Göynüklü Uzman Çavuş Ziya Sarpkayanın ailəsini də ziyarət edib, başsağlığı verib, Allahdan şəhidə rəhmət, ailəsinə böyük səbr diləyib. Terroru hamımız birlikdə lənətləyirik deyən millət vəkili Qənirə Paşayeva inşallah bu cinayətləri törədənlər, gənc insanların xəyallarını yarıda, analarını, övladlarını, ailələrini gözüyaşlı qoyanlar layiq olduqları cəzaları alacaqlar deyib.