ABŞ prezidenti Donald Tramp hesab edir ki, Hillari Klinton prezident kimi Rusiya prezidenti Vladimir Putinə daha faydalı olardı.

İstiPress-in "BBC"yə istinadən verdiyi məlumata görə, bunu Tramp "CBN" telekanalına müsahibəsi zamanı deyib.

"Biz - dünyada ən güclü ölkəyik və daha güclü oluruq. Çünki, mən hərbçilərin pərəstişkarıyam. Məsələn, əgər Hillari prezident olsaydı, silahlı qüvvələrimiz ixtisar olardı, bizim energetika daha bahalı olardı. Bu, Putinin məndə xoşuna gəlmədiyi şeydir. Və bu onun məni istəməməyinin səbəbidir. Çünki mən ilk gündən güclü ordu üçün çalışıram", - Tramp deyib.