PKK-nın keçmiş idarəçilərdən olan qardaş Öcalan digər maliyyə qaynaqlarını isə belə sıralayıb: Avropadan edilən yardımlar, xalqdan yığılan ianələr, bəzi şirkətlərdən və gömrükdə alınan xəraclar, Suriyanın Rojava bölgəsindəki fabrik və zavodlardan əldə olunan himmətlər.

Əvvəllər PKK-nın kassası kimi tanınan Öcalanın gəlir mənbələri sırasında narkotika ticarətini də göstərməsi diqqətçəkicidir. Hərçənd, təşkilatın birbaşa narkobizneslə məşğul olmadığını desə də, keçmiş maliyyəçi bu işlə məşğul olanlardan xərac alındığını da gizlətməyib:

"Rusiya və Ermənistanda narkotika ticarətiylə məşğul kürdlər də əsas gəlir qaynaqlarından biridir. Onlardan vergi alınır".

Xatırladaq ki, Osman Öcalan artıq PKK-dan ayrılıb. Onun əvvəllər idarə etdiyi maliyyə işini indi PKK-nın faktiki lideri olan Cəmil Bayıkın qardaşı Mustafa Bayık yürdürür. Öcalan xələfinin bu işi pis yürütmədiyini, maliyyə məsələsində hər hansı sui-istifadələrə, yeyintilərə yol verilmədiyini də etiraf edib.