"Crocus City Hall”un sahibi Araz Ağalarov konsert zalında baş verən terror aktına münasibət bildirib.

Musavat.com xəbər verir ki, o, baş verənləri insani dəyərlər baxımından izaholunmaz adlandırıb.

"Dəhşətli faciə baş verdi və artıq deyilib ki, son 20 ildə belə bir şey olmayıb”,-deyə Araz Ağalarov bildirib.

Onun sözlərinə görə, terrorçular zala qapıdan deyil, qonşu sərgi mərkəzinin pəncərəsindən daxil olublar: "Əllərində avtomat tüfəng var idi. Gördükləri hər şeyə atəş açmağa başladılar. Bütün insanlar, mühafizəçilər. Bir mühafizəçi öldü, biri yaralandı. Onlar heç mühafizəçi də deyillər. Biz onlara "nəzarətçi" deyirik".