Almaniyadakı erməni klanları arasında çəkişmələr

Almaniyadakı erməni klanları arasında çəkişmələr
Almaniyanın Ayhsfeld şəhərində bir-biri ilə rəqabət aparan iki erməni klanı arasında çəkişmələr təzədən başlanıb.

AzərTAc xəbər verir ki, 31 yaşlı bir kişi göy rəngli "Audi” avtomobili ilə vurulub. Sürücü bununla da kifayətlənməyib, avtomobili soyuqqanlı tərzdə və qəsdən öz qurbanının üstündən sürüb. Zərərçəkmişi xəstəxanaya çatdırmaq üçün təcili yardım helikopteri çağırılıb.

Dərhal aviasiyadan istifadə etməklə genişmiqyaslı polis əməliyyatına başlamaq barədə əmr verilib. Prokurorluq qəsdən adamöldürmə maddəsi üzrə cinayət işi qaldırıb. Yeri gəlmişkən, xəstəxanaya çatdırılan şəxs polisə heç də yaxşı tərəfdən məlum deyil. O, dəfələrlə Almaniyada erməni klanları arasında çəkişmələrin iştirakçısı olub. Son illərdə belə hallar daha da fəallaşıb. Hüquq-mühafizə orqanlarının sərəncamında olan operativ məlumata görə, bu iki klan Türinqiyanın narkotiklər alveri zonalarına bölünməsi və Ermənistandan bu federal əyalətdəki fahişəxanalar üçün "canlı mal” gətirilməsi məsələsində öz aralarında düşmənçilik edirlər. Görünür, bu başıbəlalı cəlayi-vətənləri pandemiya da ağıllandıra bilmir.


İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.

BİZİMLƏ ƏLAQƏ

Tel: +994 55 875 56 58
[email protected]

www.miq.az