Bakı- Quba yolunda ağır yol qəzası

“Vətəninfo.az” xəbər verir ki, Bakı-Quba yolunun 85-ci km-də bir nəfərin ölümü ilə nəticələnən ağır yol qəzası baş verib. İctimai Televiziyadan əldə etdiyimiz məlumat görə, Xətai rayonu sakini Məzahir Nağıyev idarə etdiyi «Mercedes» markalı maşınla taksi sürücüsü Şabran sakini Zaur Qarayevi avtomobilinin baqajından yük boşaldarkən vurub. Nəticədə maşınların arasında qalan sürücü yerindəcə keçinib. 

Qeyd edək ki, hadisəni törədən sürücünün səhlənkarlığı bununla bitməyib. Azərbaycan-Rusiya sərhəddinə müştəri aparan Məzahir Nağıyev yolun kənarında dayanan daha iki nəfəri də vurub. Bundan başqa «Mercedes»də olan 3 Rusiya vətəndaşı muxtəlif dərəcəli bədən xəsarəti ilə Siyəzən Rayon Regional Xəstəxanasına çatdırılıb. 

Könül İbrahim