Bakıda iki qohum bıçaqlanıb

Bakida bıçaqlanma hadisəsi baş verib.

Vətəninfo.az xəbər verir ki, Xətai Rayon Polis İdarəsindən APA-ya verilən məlumata görə, hadisə rayonun Naximov küçəsi 100-ün qarşısında qeydə alınıb.
Nicat adlı şəxs xuliqanlıq zəminində Bakı şəhər sakini 1977-ci il təvəllüdlü Elşən Xanpaşa oğlu Rəhimovu və onun qohumu, 1988-ci il təvəllüdlü Abuzər Əziz oğlu Məmmədovu bıçaqlayıb.
Hər iki şəxs müxtəlif bədən xəsarətləri ilə 3 saylı Şəhər Klinik Xəstəxanasına yerləşdirilib.
Hazırda polis hadisəni törədən şəxsin tutulması istiqamətində iş aparır.