Bakıda polis əməkdaşı güllələndi - Yeniləndi

Xəzər rayonu Qala qəsəbəsində qeydə alınan cinayət hadisəsində 1977-ci il təvəllüdlü İsgəndər Bayraməli oğlu Bəbirov aralarında yaranmış mübahisə zəminində 1975-ci il təvəllüdlü Malik Musa oğlu Muradovu güllələyərək qətlə yetirib.

VİZUAL.az xəbər verir ki, qətl hadisəsi zamanı İsgəndər Bəbirov özünəməxsus ov tüfəngindən istifadə edib.

İ.Bəbirov daha sonra 1990-cı il təvəllüdlü Nicat Canbala oğlu Şəbiyevi bıçaqlayıb. N.Şəbiyev ağır vəziyyətdə xəstəxanaya yerləşdirilib.

Polis əməkdaşlarının həyata keçirdiyi əməliyyat-axtarış tədbirləri nəticəsində İ.Bəbirov tutulub.

Faktla bağlı Xəzər Rayon Prokurorluğu tərəfindən cinayət məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

***

Bakıda baş verən silahlı insidentin bəzi təfərrüatları məlum olub.

APA-nın əldə etdiyi məlumata görə, insident zamanı güllələnərək qətlə yetirilən Malik Muradov polis işçisidir. O, Dəmir Yolu Nəqliyyatında Polis İdarəsinin əməkdaşı olub. İsgəndər Bəbirov onu ov tüfəngi ilə güllələyib.

Hazırda faktla bağlı başlanmış cinayət işi üzrə istintaq hərəkətləri davam etdirilir.